Forca e Sigurisë së Kosovës, ka njoftuar se Togu i Xhenierëve Luftarak ka marrë pjesë në garën shumëkombëshe “Dita e Unitetit” në Kroaci, në kuadër të ushtrimit fushor “Defender Europe 25”.

Nga FSK është theksuar edhe se këtu kanë marrë pjesë dy ekipe, të cilat kanë demonstruar një performancë duke shënuar sukses të në këtë garë, që ka testuar aftësitë fizike, teknike dhe bashkëpunuese të ekipeve dhe duke zënë vendin e parë dhe të tretë në mesin e 15 ekipeve pjesëmarrëse nga Kroacia, Gjermania, Sllovenia dhe Kosova.

Postimi:

Togu i Xhenierëve Luftarak merr pjesë në garën shumëkombëshe “Dita e Unitetit” në Republikën e Kroacisë

Në kuadër të ushtrimit fushor “Defender Europe 25”, “Immediate Response 25” është zhvilluar gara shumëkombëshe “Dita e Unitetit”, në Republikën e Kroacisë. Togu i xhenierëve luftarak nga Forca e Sigurisë së Kosovës mori pjesë me dy ekipe, të cilët kanë demonstruar një performancë të dalluar duke shënuar sukses të jashtëzakonshëm në këtë garë sfiduese, që testoi aftësitë fizike, teknike dhe bashkëpunuese të ekipeve duke zënë vendin e parë dhe të tretë në mesin e 15 ekipeve pjesëmarrëse nga Kroacia, Gjermania, Sllovenia dhe Kosova.

Togu i Xhenierëve Luftarak të FSK, është dislokuar për herë të parë në ushtrime jashtë vendit, si një kapacitet i ri në kuadër të Forcës së Sigurisë së Kosovës (FSK), duke iu bashkuar Brigadës së Mekanizuar të Forcave të Armatosura Kroate në kuadër të ushtrimit shumëkombësh “Defender Europe 25”.