Kanë përfunduar dy ndeshjet e Superligës së Kosovës.

Drita dhe Ballkani janë ndarë baras 2:2, Llapi ka pësuar 2:1 nga Ferizaj.

Në Gjilan u zhvillua një ndeshje mjaft e mirë nga të dy skuadrat.

Vendasit kaluan të parët në epërsi kur Besnik Krasniqi shënoi nga penalltia për 1-0 në minutën e 121.

Ndërkohë vetëm 11 minuta më vonë mysafirët barazuan me anë të Albin Berishës.

Pjesa e parë u mbyll 1:1.

Në pjesën e dytë vendasit kaluan sërish në epërsi.

Ishte minuta e 49` kur Marko Simonovski realizoi dhe e çoi në 2:1 rezultatin për Dritën.

Ballkani nuk u dorëzuan dhe gjetën forcën të shënojnë përsëri.

Në minutën e 75` Albion Rrahmani barazoi gjithçka.

Me këtë barazim Drita ka 31 pikë, në vendin e parë, kurse Ballkani mban pozitën e dytë me 27 pikë (por ka tri ndeshje më pak të zhvilluara).

E në ndeshjen tjetër Llapi – Ferizaj pjesa e parë u mbyll 0:1 në favor të mysafirëve.

Në 45 minutat e tjera mysafirët shënuan përsëri.

Në minutën e 50` Betim Haxhimusa dyfishoi epërsinë e Ferizaj.

Ajo çfarë llapjanët arritën të bëjnë ishte vetëm të ngushtojnë epërsinë në 1:2.

Me këtë humbje Llapi ka 16 pikë në vendin e gjashtë, ndërsa Ferizaj ka 12 pikë gjithsej./Lajmi.net/