Dramë në Prishtinë – Personi i kërkuar nga policia raportohet se është hedhur nga kati i katërt gjatë përpjekjes për t’i shpëtuar arrestimit
Një incident i rëndë ndodhi sonte në lagjen e Spitalit në rrugën “Vëllëzërit Asllani”, ku një person është hedhur nga kati i katërt i një ndërtese banimi. Raportohet në media se bëhet fjalë për Bilall Kqikun, i cili është i kërkuar nga Policia e Kosovës për shkak të një vrasjeje që ndodhi më herët këtë…
Lajme
Një incident i rëndë ndodhi sonte në lagjen e Spitalit në rrugën “Vëllëzërit Asllani”, ku një person është hedhur nga kati i katërt i një ndërtese banimi.
Raportohet në media se bëhet fjalë për Bilall Kqikun, i cili është i kërkuar nga Policia e Kosovës për shkak të një vrasjeje që ndodhi më herët këtë vit në Kolovicë të Prishtinës.
Sipas informacioneve paraprake, Kqiku dyshohet se tentoi të shmangë arrestimin nga autoritetet duke u hedhur nga kati i katërt. Menjëherë pas incidentit, në vendngjarje kanë mbërritur autoambulanca dhe njësitë policore, që ndërhynë me urgjencë.
Lajmi.net ka kontaktuar Policinë për këtë rast, por deri më tani nuk ka marrë përgjigje.
Nga Emergjenca e QKUK-së kanë konfirmuar se i dyshuari është duke u trajtuar nga ekipi mjekësor.
“Po, aktualisht janë duke iu bërë ekzaminime mjekësore”, ka deklaruar Avdush Bajgora për IndeksOnline. /lajmi.net/
