Dortmund fiton pa telashe kundër Frankfurtit, Haaland gjen përsëri golin
Borussia Dortmund ka shënuar një tjetër fitore në kuadër të Bundesligas.
Sport
Dortmund kanë shënuar fitore të lehtë kundër Eintracht Frankfurt, me rezultatin 4:0, shkruan lajmi.net.
Goli i parë në këtë takim erdhi në minutën e 33’, nga Lukas Piszczek, i cili zhbllokoi shifrat në 1:0.
Epërsinë e ‘Verdhezinjve’ e dyfishoi Jadon Sancho, kur po luhej minuta e 49’ e takimit.
Erling Haaland u regjistrua edhe në këtë ndeshje në listën e realizatorëve, kur në minutën e 54’ shënoi për 3:0.
Rezultatin final e vendosi mbrojtësi portugez, Raphaël Guerreiro, në minutën e 74’, për rezultatin 4:0, shkruan lajmi.net.
Dortmund tashmë numëron 42 pikë pas fitores së shënuar sonte, dhe qëndron në pozitën e dytë me një pikë më pak se Bayern Munich.
Eintracht Frankfurt në anën tjetër mbetet me 28 pikë, në pozitën e nëntë në tabelën e Bundesliga. /Lajmi.net/