Ish-shefi i Agjencisë së Kosovës për Inteligjencë, Burim Ramadani, ka komentuar protestat e mëdha që po ndodhin në Serbi.

Ramadani tha se viti 2025 po fillon me fundin e presidentit serb, Aleksandar Vuçiq, duke thënë se dorëheqja e Qeverisë serbe është një hap fillestar drejt ndryshimit të regjimit autoritar.

Në llogarinë e tij në Facebook, Ramadani tha se ky ndërrim i pushtetit do të përfundojë dhunshëm- sipas trendit të ngjarjes.

“Regjimet autoritare përfundojnë dhunshëm, ashtu siç kanë funksionuar në pushtet”, theksoi ai.

Ndërkaq, pak më parë mediat serbe konfirmuan dorëheqjen e kryeministrit serb, Millosh Vuçeviq, pas situatës së krijuar nga protestat e të rinjve në Serbi, që kanë filluar më shumë se një muaj më parë. /Lajmi.net/