Libri me 288 faqe i quajtur ‘Free Melania’ (Melania e Lirë) do të dal në shitje të Martën dhe e shqyrton jetën e zonjës së parë, që nga fëmijëria e saj në Slloveni, e deri në ditët e saj në Shtëpinë e Bardhë.

Libri është shkruar nga reporterja e CNN, Kate Bennet, është një biografi e paautorizuar e zonjës së parë, libër i cili zbulon nivelin e ndikimit që Melania 49 vjeçe, luan në administratën e Donald Trump, edhe pse publiku rrallë dëgjon për të, raporton “Daily Mail”, transmeton lajmi.net.

‘Free Melania’ tregon detaje edhe për problemin shëndetësor që kishte Melania me veshkë dhe procedurën e hospitalizimit të saj.

Ajo dhe presidenti është raportuar se kanë dhoma të ndara, por biografia zbulon se ata madje flenë në kate të ndryshme në rezidencën e Shtëpisë së Bardhë. /Lajmi.net/