“Do ta thellojmë partneritetin” – Kurti shkruan për takimet me Rexhepin, Rashiqin e Krasniqin për qeverinë e re
Kryeministri Albin Kurti ka treguar për takime e mbajtura sot me disa prej partive të minoriteteve në Kosovë. Kurti njofton se zhvilloi takime me kryetaren e Partisë së Re Demokratike (NDS), Emilija Rexhepi, kryetarin e Partisë për Liri, Drejtësi dhe Mbijetesë, Nenad Rashiq dhe kryetarin e partisë Iniciativa e Re Demokratike e Kosovës (IRDK), Elbert…
Lajme
Kryeministri Albin Kurti ka treguar për takime e mbajtura sot me disa prej partive të minoriteteve në Kosovë.
Kurti njofton se zhvilloi takime me kryetaren e Partisë së Re Demokratike (NDS), Emilija Rexhepi, kryetarin e Partisë për Liri, Drejtësi dhe Mbijetesë, Nenad Rashiq dhe kryetarin e partisë Iniciativa e Re Demokratike e Kosovës (IRDK), Elbert Krasniqi.
Kurti mes tjerash tha se “partneritetin tonë do ta thellojmë e vijojmë tutje bashkarisht edhe në katër vjeçarin e ardhshëm, për më shumë punë të mira e të mbara, në shërbim të të gjithë qytetarëve të vendit pa dallim”.
Postimi i plotë i tij:
Rezultatet e zgjedhjeve të 9 shkurtit dëshmuan mbështetjen e madhe të qytetarëve për Lëvizjen VETËVENDOSJE! dhe fitoren e subjektit tonë politik.
Si partia fituese, pas certifikimit të rezultatit të zgjedhjeve dhe fillimit të afatit kushtetues, kemi përgjegjësinë dhe obligimin e nisjes së konsultimeve politike për formimin e qeverisë së re. Gjatë ditës së sotme këto konsultime politike i nisëm me disa prej partive të minoriteteve në Kosovë, përkatësisht me kryetaren e Partisë së Re Demokratike (NDS), Emilija Rexhepi, kryetarin e Partisë për Liri, Drejtësi dhe Mbijetesë, Nenad Rashiq dhe kryetarin e partisë Iniciativa e Re Demokratike e Kosovës (IRDK), Elbert
Krasniqi.
Bashkëpunimin e kemi patur të ngushtë dhe të frytshëm gjatë këtij mandati qeverisës, për çka i falënderova për punën, dedikimin dhe angazhimin e tyre. Partneritetin tonë do ta thellojmë e vijojmë tutje bashkarisht edhe në katër vjeçarin e ardhshëm, për më shumë punë të mira e të mbara, në shërbim të të gjithë qytetarëve të vendit pa dallim./Lajmi.net/
