Gazetari Lirim Mehmetaj ka raportuar se Glauk Haxhiaj, djali i gazetarit të RTK-së Blerim Haxhiaj, ka përfituar një shumë prej 11 mijë eurosh nga Ministria e Kulturës, Rinisë dhe Sportit, e udhëhequr nga ministri Hajrulla Çeku.

Sipas dokumenteve të publikuara nga Mehmetaj, fondi është dhënë përmes një thirrjeje për mbështetjen e organizatave joqeveritare. Glauk Haxhiaj, siç thuhet, është përfitues përmes një OJQ-je, ngjashëm si babai i tij, i cili më herët kishte përfituar 100 mijë euro nga e njëjta ministri.

“Paramendo, djali i Blerimit, Glauku, e paska marrë një fond prej 11 mijë eurosh. Edhe ai përmes një OJQ-je, edhe ai nga Ministria e Kulturës. A ka tjetër rast ku edhe babai edhe djali përfitojnë fonde në të njëjtën thirrje publike? Nuk besoj”, ka shkruar Mehmetaj në postimin e tij, duke ironizuar se “nëse e pyesim Blerimin, ndoshta thotë se ‘çka din fëmija çka janë 11 mijë euro’.”

Ky rast ka ngjallur debat në opinionin publik rreth transparencës së shpërndarjes së fondeve publike dhe lidhjeve të mundshme familjare në përfitimet nga buxheti shtetëror.

Postimi i plotë i Lirim Mehmetajt: