Një pjesë e protestuesve e kanë kaluar natën në Bulevardin “Dëshmorët e Kombit”, përpara godinës së Kryeministrisë. Ashtu siç e paralajmëruan një natë përpara, ata vendosën të mos largohen nga sheshi, duke qëndruar përgjatë 24 orëve.

Në orët e para të mëngjesit, policia u ka kërkuar të largohen, për të mos bllokuar paligjshmërisht bulevardin, por protestuesit janë deklaruar se po qëndrojnë paqësisht për një kauzë të të gjithë shqiptarëve.

Ata kanë përsëritur kërkesat për dorëheqjen e kryeministrit dhe kreut të opozitës, si edhe krijimin e një qeverie teknike.