Disa lagje në Prishtinë gjatë tërë ditës pa ujë
Kompania Rajonale e Ujësjellësit “Prishtina”, ka njoftuar konsumatorët se disa lagje të Prishtinës gjatë ditës së shtunë do të mbesin pa ujë.
![](https://lajmi.net/wp-content/uploads/2018/06/1033-0-bb1197159a693c2c1a8bcd5d767a11ae.jpg)
Lajme
Konsumatorët e lagjes “Arbëria”, ndërtesat e Tregtisë në pjesën e poshtme të Komunës së Prishtinës afër hekurudhës si dhe Kazerma “Adem Jashari”, gjatë ditës së sotme, 30 qershor 2018 e shtunë, duke filluar nga ora 09:00 – 17:00 , do të kenë ndërprerje të furnizimit me ujë të pijshëm.
“Arsyeja e ndërprerjes së furnizimit me ujë, janë vazhdimësitë e punimeve teknike në sistemin e rrjetit të ujësjellësit, ndërtimi i pusetave. Këto punime teknike po realizohen me qëllim të përmirësimit të vazhdueshëm të infrastrukturës së rrjetit të ujësjellësit dhe kanalizimit”, thuhet në njoftim./Lajmi.net/