Digjet raketa ruse, shkatërrohet sateliti i komunikimeve

11:43 | 16 Maj 2014

Agjencia ruse e hapësirës ka bërë të ditur se një raketë Proton-M, që bartte një satelit të komunikimeve, është djegur në atmosferën e Tokës, mbi Oqeanin Paqësor.

Zyrtarët rusë kanë thënë se raketa ka dështuar nëntë minuta pasi ka lënë bazën në Kazakistan, raporton RFE.

Sateliti që do të vendosej në orbitë, do të siguronte transmetime televizive, qasje në internet, shërbime multimeta, shërbime telefonike dhe komunikime mobile për 15 vjet.