Një ngjarje tejet e rëndë raportuar të ketë ndodhur dje në Gllamnik të Podujevës.

Siç raportohet një veturë e llojit “Golf 7” është përfshirë nga zjarri.

Përpos kësaj brenda veturës dyshohet se ka vdekur edhe një person.

Kjo është konfirmuar edhe nga Kryeprokurori i Prishtinës, Zejnullah Gashi.

Gashi konfirmoi rastin duke thënë se vetura është me targa të shtetit serb.

“Po, është e vërtetë. Dyshohet se brenda veturës ka eshtra të njeriut. Vetura është me targa të shtetit serb. Hetimet po vazhdojnë”, tha Gashi.

Lajmi.net ka kërkuar përgjigje edhe nga Policia e Kosovës por deri në momentin e publikimit të njëjtit nuk janë përgjigjur./Lajmi.net/