Një zjarr ka përfshirë disa kontejnerë për mbeturina në Prishtinë, në rrugët “Simon Shiroka” dhe “Sylejman Vokshi”.

Si pasojë e përhapjes së flakëve, janë përfshirë nga zjarri edhe dy vetura. Sipas informacioneve njëra prej automjeteve i përket një personi me aftësi të kufizuara.

Në vendin e ngjarjes kanë dalë ekipet përkatëse, ndërsa ende nuk dihen shkaqet që çuan në shpërthimin e zjarrit.

KosovaPress ka kontaktuar Policinë e Kosovës për të marrë informacione zyrtare lidhur me rastin, por deri në momentin e publikimit të këtij lajmi nuk ka pranuar përgjigje.