Legjenda e Milan, Dida ka dhënë disa komente për portierin aktual të skuadrës, Mike Maignan.

Dida e ka renditur Maignan në mesin e gjashtë portierëve më të mirë në botë aktualisht.

Megjithatë, braziliani ka thënë se kjo vjen pas një progresi të madh, pasi Maignan, sipas Dida, i mungonin gjërat bazike kur erdhi te Milani.

“Do ta vendosja Maignan në mesin e top gjashtë portierëve më të mirë në botë aktualisht, por ai po përmirësohet gjatë gjithë kohës”, ka thënë Dida, transmeton lajmi.net.

“I mësova atij ato që kam mësuar unë. Të vish te Milan do të thotë të marrësh përgjegjësi të madhe. Atij i mungonin gjërat elementare në aspektin teknik, kështu që ai përmirësohet çdo ditë në atë aspekt”, shtoi braziliani.

Dida fitoi gjithçka me Milanin, gjatë kohës kur skuadra drejtohej nga Carlo Ancelotti. Në vitin 2020, Dida u emërua trajner i portierëve. /Lajmi.net/