Andriy Lysenko, zëdhënësi i Këshillit të Sigurisë Kombëtare të Ukrainës, ka thënë se 15 ushtarë dhe roje kufitare janë vrarë, ndërsa 79 të tjerë janë plagosur gjatë luftimeve në afërsi të kufirit me Rusinë, në rajonin e Luhansk-ut.

Qeveria ukrainase e ka akuzuar Rusinë se ka furnizuar separatistët me armatim të rëndë dhe luftëtarë, raporton RFE.

Rebelët, në anën tjetër, i kanë akuzuar forcat qeveritare se kanë gjuajtur raketa ‘Grad’ në zonat ku jetojnë civilët, duke lënë të vdekur katër veta, dhe dhjetëra të plagosur.

Autoritetet në Luhansk kanë paralajmëruar se situata në Luhansk është kritike, sepse sipas tyre furnizimi me ujë, energji elektrike dhe sistemi i komunikacionit janë ndërprerë që gjashtë ditë.