Përmes një postimi në Facebook, Tasholli bërë të ditur se bashkë me disa nga përkrahësit e tij, ka vendosur t’i bashkohet Vetëvendosjes.

“Bashkë me disa prej përkrahësve të dashur, sot iu bashkuam Lëvizjes Vetëvendosje e cila më së miri mishëron vullnetin për ndryshim, transparencë dhe zhvillim të qëndrueshëm për Lipjanin dhe për gjithë vendin”, ka shkruar Tasholli.

Në këtë angazhim të ri politik, Tashilli ka shprehur përkushtimin e tij për të mbështetur kandidatin e VV-së për kryetar të Lipjanit, Ilir Qeriqi, me të cilin thotë se ndan vizionin për një qeverisje lokale të ndershme dhe të afërt me qytetarët.

“Faleminderit nga zemra të gjithëve për mbështetjen dhe besimin tuaj ndër vite. Bashkë për Ndryshim dhe bashkë për Lipjanin që duam!”, ka shkruar ai.

Kujtojmë që Tasholli ishte prezantuar si kandidat i AAK-së për kryetar të Lipjanit në zgjedhjet e 12 tetorit, mirëpo ditë me parë kishte njoftuar tërheqjen e tij nga gara duke bërë të ditur se kishe dhënë dorëheqje edhe nga partia e Ramush Haradinajt.