Lidhur me këtë ngjarje, Policia e Kosovës ka sqaruar sot rastin, ku ndër të tjerash u theksua se dy të dyshuar meshkuj kosovar kanë shtënë me armë në drejtim të viktimës mashkull (zyrtar policor).

Po ashtu me të shtëna armësh i  është kundërpërgjigjur edhe zyrtari policor ku si pasojë dy të dyshuarit janë plagosur dhe janë dërguar për tretman mjekësor, transmeton lajmi.net.

Në vendin e ngjarjes janë gjetur 15 gëzhoja, ndërsa në fshatin Mramor është gjetur edhe motoçikleta e të dyshuarve dhe arma e tipit Zoraki pa fishekë.

Rasti është duke u hetuar.

Ndryshe konfirmimi për përfshirjen e zyrtarit policor në këtë rast u bë nga Inspektorati Policor i Kosovës.

Nga IPK gjithashtu ishte thënë se janë duke e hetuar rastin, se si erdhi deri tek të shtënat me armë dhe plagosja e dy personave./Lajmi.net/