Sipas informacioneve të para, një person vdiq nga përdorimi i armës.

Në bazë të raportimit të mediave lokale, ngjarja e rëndë ka ndodhur në mes familjarëve. Siç është raportuar deri më tani i dyshuari në këtë rast është babai i viktimës.

Madje siç thuhet deri tek vrasja e të birit nga babai erdhi në bazë të problemeve që kishin për prona.

Edhe pse nga Policia e Kosovës nuk janë dhënë detaje shtesë, zëdhënësi i Policisë së Kosovës për rajonin e Prishtinës, Agron Borovci ka konfirmuar lajmin.

“Rreth orës 18:00, është raportuar  për të shtëna  me armë zjarri në fshatin Peran të komunës së  Podujevës.  Policia ka dalë në vendin e ngjarjes dhe mbështetur  në të dhënat e para,  bëhet e ditur se një person, ka  humbur jetën si pasojë e plagëve të marra nga arma zjarrit.”, ka thënë ai.

Deri më tani lidhja familjarëve e viktimës dhe të dyshuarit nuk është konfirmuar nga organet e hetuesisë.

Duhet përkujtuar që të shtëna me armë zjarri pati edhe mbrëmë pikërisht në Podujevë, nga ku i plagosur mbeti një person./Lajmi.net/