Gjesti është njëri nga banorët e Big Brother VIP Albania 4 i cili ka marrë zemrat e të gjithë publikut jashtë me sinqeritetin e tij.

Ai po pëlqehet shumë jashtë ndonëse brenda shtëpisë po luhet një lojë e egër drejt tij, shkruan lajmi.net.

G-Bani, Jozi, Laerti e Amber e cila ka lënë shtëpinë dje në vazhdimësi e kanë bullizuar, sulmuar e ngacmuar Gjestin i cili i ka menagjuar me qetësi dhe humor të gjitha këto situata.

Këngëtarë, aktorë e fytyra të ndryshme publike i kanë dal në mbrojtje atij duke e mbështetur.

Një ndër to ka qenë edhe deputetja e Lëvizjes Vetëvendosje, Adriana Matoshi e cila gjithashtu me profesion është edhe aktore.

“Krenare për Gjestin që po e përfaqëson zemrën e bardhe të shqiptareve n’Big Brother! Ti je i fortë, i drejtë, e na kena me të përkrah deri në fund”, ka shkruar Matoshi në një story në rrjetin social Instagram.

Ndonëse fushata ka filluar, deputetja po ka kohë të shikoj edhe pak Big Brother. /Lajmi.net/