Deputetët e VV-së vonohen, Haradinaj nervozohet: Po fillojmë na me seancë, deputetja më e re le ta fillojë seancën
Kryetari i AAK-së, Ramush Haradinaj, ka kërkuar nisjen e vazhdimit të seancës konstituive të Kuvendit, ani pse të pranishëm në sallë plenare nuk janë deputetët nga partia fituese e zgjedhjeve, Lëvizja Vetëvendosje. Ai kërkoi që të nis seanca nga deputetja më e re në moshë, në mungesë të deputetit më të vjetër, kryesuesit të seancës,…
Lajme
Kryetari i AAK-së, Ramush Haradinaj, ka kërkuar nisjen e vazhdimit të seancës konstituive të Kuvendit, ani pse të pranishëm në sallë plenare nuk janë deputetët nga partia fituese e zgjedhjeve, Lëvizja Vetëvendosje.
Ai kërkoi që të nis seanca nga deputetja më e re në moshë, në mungesë të deputetit më të vjetër, kryesuesit të seancës, Avni Dehari.
KosovaPress ka mësuar se aktualisht deputetët e zgjedhur të LVV-së janë duke mbajtur një takim në Grupin Parlamentar, para nisjes së seancës.
Edhe në tri seancat e kaluara konstituive, Vetëvendosje ishte vonuar me ardhjene deputetëtve në sallën plenare.
Më 19 prill është bërë betimi i deputetëve dhe më pas Lëvizja Vetëvendosje – si partia fituese, e ka propozuar Albulena Haxhiun për kryeparlamentare.
Në dy tentime radhazi, Haxhiu ka dështuar të marrë votat e nevojshme për kryetare të Kuvendit.
Ndërkaq, sot pritet që LVV-ja të vendosë edhe njëherë emrin e Haxhiut në votim.
