Departamenti Amerikan i Shtetit ka njoftuar se është i informuar në lidhje me incidentin e ndodhur të Presidentes Osmani në Aeroportin e Shkupit.

Të pyetur nëse kryetari i Kuvendit Afrim Gashi duhet të mbajë përgjegjësi politike për këtë indicent, DASH tha se nuk do të komentoj gjatë vazhdimit të hetimeve.

Ministria e Punëve të Brendshme (MPB) theksoi se shefi i sigurimit të Gashit, me dy pjesëtarë të tjerë të ekipit, me urdhër të folësit kanë dalë para sallës VIP në aeroport, madje kanë stërvitur një armë dhe janë futur në konflikt me policët e stacionuar aty, duke kërkuar përgjigje se pse është insistuar që presidentja e Kosovës të kalojë përmes kontrollit të sigurisë në aeroport. Departamenti i Kontrollit të Brendshëm të Ministrisë së Punëve të Brendshme sanksionoi shefin e sigurimit dhe hapi procedimin ndaj dy truprojave të tjerë.

Kryetari i Kuvendit të RMV-së, Afrim Gashi tha se ka dërguar sigurimin për të qetësuar situatën.

“Ne i kemi parë raportet dhe nuk do të komentojmë gjatë vazhdimit të hetimeve”.

Ministria e Punëve të Jashtme e Kosovës e cilësoi ngjarjen në aeroportin e Shkupit “trajtim të papërshtatshëm dhe të paligjshëm nga pjesëtarët e sigurimit të aeroportit” ndaj presidentes Vjosa Osmani.