Deputetja e Partisë Demokratike e Kosovës (PDK), Blerta Deliu-Kodra ka reaguar pas publikimit të lajmit se Ministri i Bujqësisë, Faton Peci  i dha grant prej 100 mijë euro vëllaut të deputetës së Vetëvendosjes, Fitore Pacolli ndërkaq Fahrije Hotit iu refuzua projekti.

Deliu përmes rrjetit social Facebook ka publikuar fotografi të Pecit e Pacollit krah Fahrije Hotit.

“Qe, të dy akterët e një veprimi të turpshëm, në Krushë, te Fahria dhe gratë tjera, për me dalë në fotografi. Ndërkohë, kur vjen puna te mbështetja, vëllau i Fitore Pacollit me një biznes fantom i merr 100 mijë euro, ndërsa Fahria dhe Krusha e grave tona heroina, asnjë,” ka shkruar Deliu.

Deliu ka shtuar tutje duke e quajtur ” shpërfaqje e turpshme e një shpirti të korruptuar, i cili mohon dhe injoron viktimat e luftës, që me sakrificë të jashtëzakonshme janë shndërruar në një storie suksesi,”