Analisti politik, Ilir Deda, ka folur rreth krizës ekonomike në Kosovë, dhe situatës në vend që pas zgjedhjeve të 9 shkurtit.

Deda thotë se në vendin tonë vetëm politikë nuk ka, derisa për kryeministrin në detyrë, Albin Kurtin, thotë se atij nuk i intereson fare kriza ekonomike në vend.

“Sot s’ka politikë në Kosovë, dhe atë që po e shohim na sot, është bukfalisht mungesë e dashnisë për këtë vend, e për njerëzit e këtij vendit nga ata të cilët i kanë fituar zgjedhjet”.

“Dje, është mbyll një biznes në Kaçanik, i cili ka punësuar 200 njerëz. Në të gjithë Kosovën, kemi mbyllje të bizneseve, të cilët punësojnë 50, 100, 150 njerëz, dhe dikujt atje, ose Albin Kurti, nuk i jep pesë parë për krizën ekonomike, e cila është në këtë vend, e cila është si rezultat e asaj që ai e sheh si zhvillimin ose moszhvillimit të këtij vendi. Mos të flasim humbjen e çfarëdo imazhi pozitiv të vendit tonë jashtë Kosovës”, tha Deda në Klan Kosova.

Tutje, Deda thotë se përderisa politikë në Kosovë nuk ka, ai e quan më shumë si lojë fëmijësh.