David Beckham në mënyrë dixhitale u duk si 70-vjeçar në një fushatë të re, që bën thirrje për veprim kundër Malarias, shkruan Daily Mail, transmeton lajmi.net.

Ish-futbollisti profesionist, 45 vjeç, dukej i panjohur pasi bëri flokët e thinjur, njollat ​​e moshës dhe rrudhat në fushatën “Malaria Must Die, So Millions Can Live”, e cila e sheh atë të udhëtojë për në të ardhmen për të parë përfundimin e sëmundjes.

Duke shfaqur një pamje para dhe pas të procesit dixhital të plakjes, klipi paraqiti Davidin në një të ardhme të imagjinuar ku sëmundja e Malarias ishte zhdukur ndërsa deklaroi se ‘bota jonë ka ndryshuar’ si rezultat i asaj.

David tha se si baba i katër fëmijëve, lufta për çrrënjosjen e sëmundjes ishte diçka që ai e mori personalisht.

“Lufta kundër Malaries është një shkak i afërt me zemrën time, sepse sëmundja mbetet një vrasës i madh i fëmijëve dhe ne kemi mundësinë ta ndryshojmë atë gjatë jetës sonë”, tha ai.

Fushata është nisur nga organizata bamirëse ‘Malaria No More UK’ dhe është lansuar në një kohë që qeveria planifikon të zvogëlojë sasinë e ndihmës jashtë shtetit.

Organizata ka frikë se ulja e buxhetit të ndihmës do të godasë vendet që janë më të rrezikuar nga sëmundja.

Në pamjet befasuese, tatuazhet e Davidit u shfaqën të venitura dhe balli i tij ishte me rrudha.

Ndërsa mjekra dhe mustaqet e tij aktuale janë më gri, kur ai përcillet shpejt në të ardhmen, ajo është krejtësisht gri, transmeton lajmi.net.

Filmi i shkurtër e tregon atë duke qëndruar në një skenë për të zbuluar se një nga sëmundjet më të vjetra dhe më vdekjeprurëse në botë është mundur më në fund.

Ndërsa videoja vendoset në vitin 2050, Beckham i thotë audiencës se Malaria nuk po vret më mijëra fëmijë çdo vit.

Ndërsa ai flet, ish-ylli i Manchester United kthehet vizualisht në moshën e tij aktuale dhe ai informon audiencën e tij se një e ardhme pa sëmundjen Malaria është e mundur vetëm nëse vazhdojmë luftën.

Fytyra e Beckham, e imagjinuar si do të duket në të ardhmen, u bë në atë mënyrë që ai të dukej 30 vjet më i moshuar dhe për të njoftuar botën se lufta për të mposhtur Malarian është fituar.

David tha: ‘Unë kam punuar me Malaria No More UK që nga viti 2009, duke mbështetur fushatat dhe duke ndihmuar të ndriçoj një sfidë.

“Fushatat e tyre gjithmonë përdorin kreativitet dhe inovacion të madh për të tërhequr vëmendjen ndaj çështjes dhe jam i kënaqur gjithashtu që kam takuar disa nga njerëzit frymëzues që po punojnë kaq shumë për t’i dhënë fund kësaj sëmundjeje”, shtoi ia.

Videoja e fushatës gjithashtu tregoi Davidin duke pozuar në një dhomë të gjelbër ndërsa ishte në procesin e moshës dixhitale.

Malaria është një sëmundje e rrezikshme për jetën e përhapur nga mushkonjat.

Thesht një nga vrasësit më të mëdhenj në botë, duke marrë jetën e një fëmije çdo dy minuta, sipas Organizatës Botërore të Shëndetësisë (OBSH). /Lajmi.net/