Ministri i jashtëm serb, Ivica Daçiq ka folur sot rreth situatës aktuale me Kosovën.

Ai ka thënë se çështja e Kosovës, sipas tij “është çështje e interesit më të lartë kombëtar dhe shtetëror për Serbinë”, duke theksuar se “serbët e Kosovës jetojnë në gjendje të përhershme të rrezikut”.

Daçiq ka vazhduar ta përsërit se Serbia nuk do ta njoh Kosovën as në mënyrë eksplicite as implicite, pavarësi kjo që ai e ka quajtur të “njëanshme”.

Ndonëse nuk është autoritet përcaktues, “shërbëtori i Vuçiqit” thotë se shteti i tij s’do ta lejojë anëtarësimin e Kosovës në OKB.

“Do ta përsëris edhe një herë – ne nuk do ta njohim pavarësinë e shpallur “në mënyrë të njëanshme” të Kosovës as në mënyrë eksplicite e as implicite, as nuk do të lejojmë që “krahina jonë jugore” të bëhet anëtare e OKB-së. Serbia ka të njëjtën të drejtë si çdo vend tjetër në botë që të mbrojë sovranitetin dhe integritetin e saj territorial”, ka shtuar ministri i jashtëm serb Ivica Daçiq. /Lajmi.net/