Costa ka pasur probleme të shumta me lëndime në klubin madrilien dhe lirimi nga kontrata në këtë afat kalimtar do të nënkuptonte se ai do të ishte një agjent i lirë.

Ai është kthyer në Madrid pas sezonit të ‘dështuar’ që kaloi te Chelsea dhe problemeve që pati me trajnerin portugez Jose Mourinho. Këtë sezon ai ka munguar në gjithë fazën e grupeve në Ligën e Kampionëve dhe ka pasur shumë pak minuta në La Liga.

Edhe transferimi i uruguajanit, Luis Suarez, ka ndikuar që ky i fundit të ketë më pak minutazh në 11-shen startuese të Diego Simeone, pasi që argjentinasi ka vendosur të startoj me treshen Joao Felix, Angel Correa dhe El Pistolero.

Media spanjolle AS raporton se kontrata e spanjollit do të përfundojë në verën e ardhshme mirëpo ai ka kërkuar që të largohet në këtë merkato, e cila do të hapet me 4 janar në Spanjë.

Disa prej klubeve në të cilat Costa mund të transferohet sipas 90min janë: Wolves, Manchester City, Tottenham, Inter, Juventus./Lajmi.net/