Kjo lloj greve, që sipas tij nënkupton ndalimin e shërbimeve nga ana e mjekëve edhe për rastet emergjente, tha se do të ishte forma radikale e veprimit nga ana e Sindikatës.

Deri këtu, sipas Selmanit, do të vihet nëse nuk ka siç e quajti reflektim nga Qeveria.

“Greva në përgjithësi ka shkuar mirë, nuk kem pas ndonjë incident. Nuk është punuar tetë orë, kujdestaritë dhe shërbimet emergjente kanë vazhduar punën, nuk i është shërbyer rasteve ambulatore dhe atyre që janë operacione të planifikuara të gjitha janë shty për një ditë. Na vjen keq për popullatën tonë në nevojë por ishim të detyruar të ndërmarrin një hap të tillë, sepse Qeveria jonë është futur në guacë dhe nuk komunikon me ne.” u shpreh ai në emisionin Info Magazine të Klan Kosovës.

Kurse Sindikatën e Infermierëve ai tha se e kanë ftuar të jetë pjesë e grevës dhe se në një formë i kanë përkrahur, sepse sipas tij të gjithë infermierët në QKUK nuk kanë punuar dhe i kanë kryer vetëm shërbimet që kanë pas për obligim për pacientët që kanë qenë të shtrirë.

Tutje Selmani deklaroi se kërkesë e FSSHK-së nuk është vetëm ligji për pagat, siç deklarojnë nga Sindikata e Infermierëve, por kanë edhe kërkesa të tjera që janë në të mirë të sistemit shëndetësorë.

“Në kohën kur janë formuar këta, kryetari i tyre që tani është larguar nga kjo Sindikatë, ka qenë kandidat për deputet i njërës nga papritë. Kështu i kemi vërejtë edhe tendencat jo vetëm të politizimit, por edhe të përqarjes, këtij damari është ka i bjen edhe qeveria aktuale.”

Nërkaq për deklarimin e Ministrit të Financave, Hekuran Muratit, tha se se ka disa elemente të veprës penale me të cilën mund të ngarkohet.

“Brenda Organizatës Sindikale çdo vit bëhet auditimi i jashtëm, dhe nëse janë 3 milionë, sepse ky i ka shifrat e sakta, është Ministër i Financave, nëse janë 3 milionë hyrje, duhet ta dijë ky zotnia që ato tre milionë janë nga gjithë anëtarësia në Republikën e Kosovës dhe ato të hyra i rikthehen secilës Organizatë Sindikale në bazë, dhe ata vendosin se si do i përdorin ato.”

Tutje Selmani tregoi se dje është shkarkuar vëllau i kryetarit të FSSHK-së, në mënyrë që kryeministri, ose siç e quajti Selmani, shoku Albin, sipas tij t’i bëjë presion të parit të Federatës.