Ish-presidenti i Kosovës, Hashim Thaçi i cili po gjykohet nga Gjykata Speciale e Hagës sot ka ardhur në Kosovë.

Kjo vizitë e Thaçit në Prishtinë po realizohet për ta takuar babanë e tij i cili po trajtohet në Qendrën Klinike Universitare të Kosovës për shkak të disa problemeve shëndetësore të tij.

Për këtë vizitë të tij ka reaguar nënkryetarja e Partisë Demokratië të Kosovës (PDK), Vlora Çitaku.

Çitaku në një postim në rrjetin e saj social në Facebook ka shkruar “Dielli do të lind përsëri, President”.

Derisa postimin e ka shoqëruar me fotografinë ku shihet ish-presidenti Thaçi, teksa hynë brenda QKUK-së. /Lajmi.net/