Janë bërë tashmë 245 ditë prej kur Federico Chiesa pësoi një dëmtim në ligamente dhe ai s’është parë më në fushat e blerta.

Një nga lojtarët më të mirë të Juventus, së paku në letër, Chiesa vazhdon të jetë jashtë fushave të blerta.

Lojtari pësonte një lëndim më 9 janar në ndeshjen kundër Romës, dhe që atëherë s’është në dispozicion të Massimiliano Allegri, përcjell lajmi.net.

Sipas ‘Gazzetta dello Sport’, Chiesa pritej të kthehej në fazën e fundit të pushimeve verore, por gjatë gushtit ai e stër-mundoi veten dhe dëmtoi gjurin.

Kësisoj, lojtari duhet të shtyjë edhe për pak kohë rikthimin e tij.

Sipas mediave italiane, Chiesa tani planifikon të kthehet në fund të tetorit, kurse për angazhim të plotë në 90 minuta mund të jetë i gatshëm pas Kupës së Botës, në muajin janar. /Lajmi.net/