Pas dy disfatave të fundit, njërën ndaj Brentford në Premier Ligë dhe tjetrën nga Real Madridi në çerekfinale të Ligës së Kampionëve, ‘Blutë e Londrës’ i rikthehen fitores.

Ekipi i Thomas Tuchel e dominuan plotësisht lojën në çdo aspekt ashtu edhe me gola, shkruan lajmi.net.

Ishte minuta e 8` kur filloi seria hapëse e golave, me Marcos Alonso që i dhuroi epërsinë Chelsea.

Pas vetëm tetë minutash, shënoi Maison Mount, për të dyfishuar rezultatin.

Minuta e 21` e lojës, kur Timo Werner shënoi për 3:0 të ‘Londinezëve’, shkruan lajmi.net.

Pa përfunduar pjesa e parë për golin e katërt u përkujdes Kai Havertz në minutën e 3` të ndeshjes.

Kështu pjesa e parë u mbyll me fitore të thellë 4:0 të Chelsea.

Edhe pjesa e dytë ishte më e mirë për mysafirët, pas vetëm pesë minutash nga fillimi i pjesës së dytë shënoi përsëri Timo Werner për 5:0.

Ishte minuta e 54` kur mesfushori Maison Mount shënoi gol për rezultatin final 6:0.

Southampton në këtë ndeshje nuk patën asnjë goditje në kuadrin e portës.

Pas kësaj fitore Chelsea qëndron në vendin e tretë me 62 pikë, ndërsa Southampton në pozitën e 13 me 36 pikë sosh./Lajmi.net/