Ministri i Kulturës, Rinisë dhe Sportit, Hajrulla Çeku, ka folur së fundi për sallën koncentrale ose Qendrën multi-funksionale të Prishtinës.

Ai njoftoi për opinionin publik se për këtë projekt Instituti i Kosovës për Mbrojtjen e Monumenteve e ka dhënë edhe pëlqimin përfundimtar.

“Për hartimin e projektit zbatues, komunën e Prishtinës e kemi mbështetur me 800 mijë euro. Në buxhetin e ri, kemi ndarë 10 milionë euro, si dëshmi e gatishmërisë sonë për bashkëfinancim. Jemi të gatshëm për ta mbështetur komunën e Prishtinës edhe më tutje, sipas kërkesës së tyre”, tha ministri përmes një njoftimi në llogarinë e tij në Facebook.

Ndryshe, sipas tij për projektin në fjalë është humbur shumë kohë dhe se tashmë është koha për jetësuar të njëjtin.