Të Infektuar: 1147

Të Shëruar: 874

Të Vdekur: 30

Casillas kërkoi ‘El Clasico’ të legjendave, kështu do të dukeshin formacionet

18:25 | 7 Prill 2020

Ish-portieri i Real Madridit, Iker Casillas sugjeroi që lojtarët në pension të Real Madridit dhe Barcelonës duhet të bashkohen për një ndeshje të veçantë të ‘legjendave’ të El Clasico.

E gjitha filloi kur Andres Iniesta iu përgjigj një video të Xavi të postuar në Twitter.

“Shikimi i lojës së Xavi ishte një kënaqësi”, ka shkruar Iniesta, përcjell lajmi.net.

”Edhe më shumë kënaqësi ta shohësh nga pesë metra larg”.

Iker Casillas më pas iu bashkua argëtimit dhe propozoi një El Clasico për bamirësi.

“Është qesharake, por unë luaja kundër jush disa herë, dhe natyrisht me ju”, u përgjigj në Twitter Casillas.

“Kur mbaron ky makth, ne duhet t’i marrim të gjitha legjendat nga vite më parë së bashku për një Clasico të cilësisë së mirë”.

“Një fond për njerëzit në nevojë”, shkroi ai.

Pas kësaj, mediet kanë filluar të sugjerojnë se si do të dukeshin formacionet në një ‘El Clasico’ me legjendave, të cilat jenë pensionuar.

Tifozët do të kishin mundësi të artë për t’i parë sërish në fushë lojtarë si Ronaldo brazilian, Zinedine Zidanen, Luis Figon, Rivaldon, Kaka e shumë emra të tjerë.

‘The Sun’ ka publikuar se si do të dukeshin formacionet e kësaj ndeshje, për të cilën tash tifozët kanë filluar të luten për t’u realizuar./Lajmi.net/

Real Madrid

Barcelona