Selektori i Rusisë, Fabio Capello ka lavdëruar Cristiano Ronaldon dhe Lionel Messin.

Por, ai e vlerëson sulmuesin e Barcelonës më shumë se yllin e Real Madridit.

“A mund të fitojë Ronaldo më shumë Topa të Artë se Messi? Është një betejë shumë interesante. Messi është gjeni më i madh se Ronaldo, por është duke kaluar disa probleme në klubin e tij dhe kjo mund t’i shkaktojë telashe”, deklaroi Capello për “Cope”.

“Cristiano është shumë solid, dhe i fuqishëm në mendje. Ai dëshiron të bëhet më i miri si dhe luan në një ekip të mrekullueshëm. Të gjithë bashkëlojtarët e tij i ndihmojnë dhe ai po ashtu i ndihmon ekipit. Është shumë e rëndësishme që të keni respektin e bashkëlojtarëve dhe gjithmonë të stërviteni mirë”, u shpreh ai.