Joao Cancelo ka folur lidhur me punën e tij nën urdhrat e Pep Guardiola.

Për shumë kë, Pep Guardiola është trajneri më i mirë në botën e futbollit. Sukseset e tij e bëjnë vështirë të kundërshtueshëm një qëndrim të tillë.

Lidhur me trajnerin ka folur së fundmi edhe mbrojtësi portugez, Joao Cancelo që tani punon nën urdhrat e tij te Manchester City.

“Pep ishte shumë i rëndësishëm për evoluimin tim. Një trajner që ndryshoi jo vetëm kapacitetet e mia, por edhe mënyrën se si unë e shoh futbollin. Ai më bëri më të gjithanshëm. Më bëri më të zgjuar, ta shoh ndeshjen në një mënyrë tjetër, me filozofinë e tij”, ka thënë Cancelo, transmeton lajmi.net.

“Filozofia e tij është ajo me të cilën e identifikoj veten. Kur punon me një person me ide të njëjta, është më e lehtë të arrish suksese. Natyralisht jam mbrojtës i djathtë, por mund të luaj po ashtu edhe si mbrojtës i majtë”, shtoi tutje lojtari i Man City.

Cancelo, nën urdhrat e Pep Guardiola ka filluar të aktivizohet edhe si mbrojtës i majtë dhe është një nga lojtarët më atraktiv në futbollin evropian aktualisht. /Lajmi.net/