Mesfushori e futi topin drejt e në shtyllën e afërt nga një kënd, duke e dërguar atë nëpër këmbët e Rui Patricio për të hapur rezultatin në Stadio Olimpico.

Kur foli për ‘DAZN’ pas fishkëllimës së fundit të rezultatit 3-0, turku u pyet nëse e kishte bërë këtë me qëllim.

“Po, shkova për golin”, u përgjigj Calhanoglu. “Gjithmonë përpiqem të shkoj për shtyllën e afërt nga flamuri i këndit dhe këtë herë shkoi mirë.

“Jam i lumtur për asistimin tim për Edin Dzekon gjithashtu. Interi dominoi ndeshjen, nuk i lejuam asgjë Romës, ishte një paraqitje e shkëlqyer”.

I pyetur nëse ishte kjo performanca më e mirë e Interit e sezonit nën drejtimin e trajnerit të ri Simone Inzaghi?

“Ne kishim edhe të tjerë të mëdhenj, kundër Juventusit dhe Milanit, pavarësisht rezultateve që ishin barazime. Ne kurrë nuk pushuam së besuari.”

Calhanoglu ishte i famshëm për të qenë tepër i paqëndrueshëm te Milani, por duket se është transformuar te Interi.

“Ndihem më i sigurt tani dhe në formë vërtet të mirë. Dua të jap më të mirën për ekipin dhe klubin, pjesa tjetër vjen si pasojë”, është shprehur mesfushori turk. /Lajmi.net/