Ish presidenti i Real Madridit, Ramon Calderon beson se Sergio Ramos nuk është i lumtur në Santiago Bernabeu.

Mbrojtësi ka hyrë në dy vitet e fundit të marrëveshjes dhe negociatat e deritashme nuk kanë sjellë fryt.

Calderon beson se Ramos është duke u dënuar nga klubi për mbështetjen e tij për trajnerin e shkarkuar, Carlo Ancelotti.

“Mua më duket se Reali e ka dënuar Ramosin për shkak të përkrahjes së tij publike për Ancelottin, duke thënë se nuk u pajtua me shkarkonin e tij. Njësoj edhe me Iker Casillasin”, deklaroi Calderon për “TalkSport”.

“Është e qartë se Ramos nuk është i lumtur sepse presidenti nuk i ka ofruar vazhdimin e kontratës”, u shpreh ai.