Një rast i rëndë raportohet të ketë ndodhur sot në fshatin Stanovc të Vushtrrisë.

Nga disa të shtëna me armë zjarri, dyshohet se kanë mbetur të vdekur dy persona, shkruan lajmi.net.

Siç raportohet në media, një pronar i një biznesi ka vrarë punëtoren e tij dhe më pas veten.

Lajmin e ka konfirmuar edhe zëdhënësi i Prokurorisë Themelore në Mitrovicë.

“Janë dy të vrarë. Dyshimet e para janë që një burrë e ka vrarë një grua dhe më pas veten. Në vendin e ngjarjes janë gjetur disa gëzhoja, tash pritet intervistimi i dëshmitarëve”, ka thënë Preteni.

Lajmi.net po qëndron në vend të ngjarjes nga ku ka sjell pamje.

Burri i gruas që u vra në Vushtrri shihet në vendin e ngjarjes duke qarë me dënesë.

Video: