Buka me vezë – Receta e thjeshtë unike plot shije

10:42 | 17 Qershor 2021

Më poshtë keni recetën e dashur nga të gjithë, atë të përgatitjes së bukëve me vezë lehtë dhe krejt shpejtë në shtëpi.

Bukët me vezë janë tradita më e njohur e kuzhinës shqiptare, sidomos mëngjeseve kur nënat shpejtonin përherë t’i përgatisnin për të vegjël e të rritur para se të niseshin në shkollë a në punë.

Ashtu si dikur edhe sot buka me vezë mbetet ideale për një mëngjes të shëndetshëm plot shije që të kënaq nepsin e oreksin dhe të dhuron ndijesinë e nisjes së ditës mbarë.

Përbërësit

Vezë

Pak qumësht

Kripë

Piper

Gjalpë të freskët ose vaj ulliri

Përgatitja

Në një tas hedhim vezët, pak qumësht, kripë dhe piper dhe nisim i rrahim fortë derisa masa të jetë bërë e njëtrajtshme.

Nëse dëshironi për më shumë shije para se të nisni të rrihni vezët mund të shtoni edhe pak djathë të bardhë të thërrmuar.

Vendosni një tigan në zjarr, hidhni gjalpë ose vaj ulliri sipas preferencës.

Më pas, lyeni fetat e bukës një e nga e një nga të dyja anët me masën e vezës dhe skuqini në tigan.

Bukët me vezë shërbehen të ngrohta dhe janë fantastike për nisjen e ditës shëndetshëm. /Lajmi.net/