Ndonëse rezultatet jo të mira në dy ndeshjet e fundit mund ta përbëjnë arsyen kryesore pse Thomas Tuchel është larguar nga Chelsea, BILD zbulon edhe një detaj interesant që mund t’i ketë ndihmuar këtij procesi.

Është pikërisht gazetari i prestigjiozes gjermane, Christian Falk, ai që raporton se trajneri gjerman pati një mospajtim me presidentin e “bluve”, Todd Boehly, në lidhje me mundësinë e transferimit të Cristiano Ronaldos.

TRUE✅ the fact that Thomas Tuchel resisted buying @Cristiano Ronaldo was one reason for the bad relationship with Todd Boehly. Boehly wanted Ronaldo. Tuchel said: „He will distroy the Spirit in my dressing room“ @BILD_Sport

— Christian Falk (@cfbayern) September 7, 2022

Portugezi ishte shumë i përfolur për një kalim në “Stamford Bridge”, por vetë Tuchel u shpreh kundër kësaj lëvizjeje.

Ndryshe nga ai mendonte presidenti i ri i klubit që ishte shumë i interesuar që ta kishte lojtarin në skuadër.

Në lidhje me këtë çështje fitimtar doli Tuchel, mirëpo këtë epitet ia rrënuan ndeshjet pasuese të cilat nuk i dhanë shumë të drejtë sa u përket përzgjedhjes së lojtarëve në merkato. /Lajmi.net/