BIK-u publikon orën se kur falet namazi i Kurban Bajramit
Bashkësia Islame e Kosovës ka dal me një njoftim sa i përket festës së Kurban Bajramit. Në njoftimin e tyre, BIK ka thënë se namazi i Kurban Bajramit do të falet në ora 05:35, shkruan lajmi.net Manifestimi qendror do të mbahet në “Xhaminë e Madhe” në Prishtinë. Njoftimi i plotë: Kurban-Bajrami – të premten, më…
Lajme
Bashkësia Islame e Kosovës ka dal me një njoftim sa i përket festës së Kurban Bajramit.
Në njoftimin e tyre, BIK ka thënë se namazi i Kurban Bajramit do të falet në ora 05:35, shkruan lajmi.net
Manifestimi qendror do të mbahet në “Xhaminë e Madhe” në Prishtinë.
Njoftimi i plotë:
Kurban-Bajrami – të premten, më 6 qershor 2025
(Namazi i Kurban-Bajramit falet në orën 05:35)
Kryesia e Bashkësisë Islame të Kosovës njofton besimtarët dhe opinionin e gjerë se dita e parë e festës së Kurban-Bajramit është të premten, më 6 qershor 2025.
Manifestimi qendror për territorin e Kosovës, kushtuar festës së Kurban-Bajramit, do të mbahet në “Xhaminë e Madhe” në Prishtinë.
Namazi i sabahut falet në orën 04:20.
Ligjëratën tematike kushtuar kësaj feste do ta mbajë dr. Besnik Llumnica – imam në Xhaminë e Bardhoshit, Komuna e Prishtinës.
Namazi i Kurban-Bajramit falet në orën 05:35. Namazit do t’i prijë Hetem ef. Sopjani – kryetar i Këshillit të Bashkësisë Islame të Prishtinës, ndërsa hytben – mesazhin e Kurban-Bajramit – do ta mbajë Myftiu i Kosovës, Naim ef. Tërnava.
Me rastin e festës së Kurban-Bajramit, ditën e parë, më 6 qershor 2025, Kryesia e BIK-ut, siç është traditë, organizon pritje urimi në selinë e Kryesisë, nga ora 09:00 deri në 12:00.
Kryesia e Bashkësisë Islame të Kosovës ua uron festën e Kurban-Bajramit të gjithë besimtarëve dhe opinionit të gjerë, duke iu lutur Zotit që t’i pranojë lutjet dhe adhurimet tona.
Me fat festa e Kurban-Bajramit!/lajmi.net/
