Bie numri i të infektuarve nga sëmundja e fruthit

Gjatë javës u regjistruan 70 raste të reja në të gjitha qendrat shëndetësore publike në Maqedoni, që është për 30% më pak se në periudhën e mëparshme që nga fillimi i epidemisë.

Lajme

14/06/2019 22:32

Vetëm 11 raste janë regjistruar në kryeqytet, që është një rënie e konsiderueshme krahasuar me periudhën e mëparshme, ndërsa në tetë qytete ka raste vazhdimisht të reja.

Tetova, Struga dhe Kumanova vazhdojnë të udhëheqin me numrin e të infektuarve, dhe përveç tyre, raste të reja janë regjistruar në Veles, Gostivar, Vallandovë dhe Shtip, shkruan Telegrafi.

“Gjatë kësaj jave, numri më i madh i rasteve është mbi 30 vjeç. Ndërsa sipas statusit të vaksinës, 55 raste e të regjistruarave ose 78.6% janë të pavaksinuar, të vaksinuara me vetëm një dozë apo me një status të panjohur të vaksinës”, thonë nga Institui për Shëndet Publik.

Nga rreth 15.000 persona të moshës deri më 14 vjeç të cilët nuk janë vaksinuar, vetëm në Shkup mbetën vetëm 1.300 të cilët nuk morën imunizim kundër fruthit.

Numri i të pavaksinuarve jashtë kryeqytetit mbetet shqetësues. Megjithatë, epidemiologët parashikojnë se epidemia do të vazhdojë.

Që nga fillimi i epidemisë në dhjetor të vitit të kaluar, numri i përgjithshëm i rasteve të regjistruara me vaksinë arriti rreth 2.000 raste dhe rreth 30.000 njerëz janë vaksinuar në të gjithë territorin e vendit.