Qytetarë të shumtë të Kosovës, e emra të njohur të politikës kanë marrë rrugën sot për në fshatin Burojë të Skenderajt, aty ku jeton familja e ish-presidentit Hashim Thaçi.

Kjo pasi mbrëmjen e së dielës, ka ndërruar jetë babai i ish-presidentit Thaçi, Haxhi Thaçi, shkruan lajmi.net.

Kandidati i PDK-së për kryeministër, Bedri Hamza ka shkuar sot për ngushëllime tek familja Thaçi.

Në Burojë të Skenderajt, të afërm, miq e qytetarë të shumtë po priten nga vëllezërit e ish-presidentit Thaçi si dhe djali i tij, Endriti.

Hamza mbrëmë ka shkruar për Haxhi Thaçin, e ka thënë se humbja e tij është një humbje e madhe, jo vetëm për familjen Thaçi, por për të gjithë ata që e njohën nga afër.