Pas dëshpërimit të madh në Champions League, skuadra e Bayern Munich ka shënuar fitore në Bundesliga, duke mposhtur 0:3 skuadrën e Arminia Bielefeld, shkruan lajmi.net.

Bavarezët kaluan në epërsi qysh në minutën e 10’ të takimit. Topin në rrjetë e dërgoi Laursen (autogol).

Në fundin e pjesës së parë, Serge Gnabry çoi shifrat në 0:2 (45+7’), për t’i dhënë qetësinë skuadrës së Bayern.

Fati i takimit u vulos në minutën e 85’, me golin e Musiala, i cili u asistua nga Robert Lewandowski.

Bayerni bën një tjetër hap drejt titullit të kampionit, duke shkuar në kuotën e 72 pikëve kur janë luajtur 30 ndeshje. Ata kanë nëntë pikë më shumë sesa vendi i dytë, Dortmundi.

Arminia mbetet me 26 pikë në pozitën e parafundit në tabelë. /Lajmi.net/