Selektori i Zvicrës, Ottmar Hitzfeld thotë se Bayern Munich dhe Borussia Dortmund do të tejkalojnë Real Madridin dhe Barcelonën duke u bërë ekipet më të mira në botë.

Gjiganti katalan ka dominuar në dekadën e fundit në Ligën e Kampionëve, kurse Real Madrid është nëntë herë kampion i Evropës.

Mirëpo, dyshja nga Bundesliga, Bayern dhe Dortmund u takuan në finalen e edicionit të kaluar duke mposhtur të dyja skuadrat spanjolle në rrugëtim drejt Wembleyt. Dhe, Hitzfeld, ky është një sinjal i asaj që do të vjen në vazhdim.

“E kam parashikuar atë që ndodhi një vit më parë, futbollisti spanjoll do të tejkalohet në pozitën e parë në botë nga Bayern dhe Borussia Dortmund”, deklaroi ai për uebfaqen zyrtare të Bundesligës.

Ish trajneri i Bayernit po ashtu beson se gjiganti bavarez është në pozitë të mirë për ta mbrojtur titullin e Ligës së Kampionëve.

“Historia është kundër tyre por nuk ka vetëm një formacion bazë të nivelit botëror por komplet një skuadër të tillë”, përfundoi ai.