Llapi ka pësuar një humbje minimale, 1:0 nga Ballkani, në ndeshjen e xhiros 34 në Superligën e Kosovës.

Skuadra nga Podujeva tashmë i ka shuar shpresat për në Evropë, ndërsa trajneri Tahir Batatina deklaroi pas ndeshjes se ata e dhanë maksimumin.

“Mendoj se e kemi përgatitur ndeshjen mirë në çdo aspekt. E kemi ditur se nuk duhet të bëjmë gabime në defanzivë pasi kundërshtari të dënon”, ka thënë fillimisht trajneri për ‘Art Sport’.

“Një pakujdesi na kushtoi me gol. Llapi prapë luajti futboll të mirë. Në futboll mund të humbësh, të fitosh, të barazosh”.

“Treguam që Llapi jep maksimumin në çdo ndeshje. Në ndeshje u paraqitën disa lojtarë të rinj dhe bënë paraqitje të jashtëzakonshme”.

“Ky është projekti im, me djem të ri. Bëmë maksimumin, ky është futbolli. Do të bëjmë maksimumin në dy ndeshjet e ardhshme”.

“Llapi ka të ardhme të mirë, kemi skuadër solide”, ka shtuar më tej Batatina./Lajmi.net/