Barcelona pritet të nënshkruajë me Joan Garcian javën e ardhshme, dhe ai nuk do të jetë portieri i vetëm për të cilin do të përcaktohet e ardhmja në të ardhmen e afërt.

Së shpejti, pritet të mbyllet edhe një marrëveshje për portierin e dytë të klubit. 

Idja e Barcelonës është që Joan Garcia të bëhet portieri i tyre i parë menjëherë pas ardhjes nga Espanyoli, dhe pritet që zëvendësuesi i tij të mos jetë Marc-Andre Ter Stegen, por Wojciech Szczesny. 

Szczesny la përshtypje që nga hyrja në ekip nga janari i kaluar, dhe zyrtarët e Barcelonës kanë bërë të qartë se duan që ai të vazhdojë. 

Vetë lojtari gjithashtu dëshiron të qëndrojë, dhe sipas Sport, përpjekjet do të vazhdojnë për një kontratë të re. 

Barcelona do t’i ofrojë Szczesny një kontratë 1+1, ai do të jetë i lidhur për sezonin e ardhshëm, me mundësinë për të qëndruar në klub edhe për 12 muaj shtesë. 

Bisedimet kanë qenë në zhvillim në javët e fundit, dhe së shpejti pritet të arrihet një marrëveshje para skadimit të kontratës së tij aktuale në fund të muajit. 

Përpjekjet me Szczesny po bëhen paralelisht me dramat rreth Ter Stegen. Megjithëse është kapiten i klubit, pritet që ai të bjerë në vend të tretë në hierarkinë e portierëve në Barcelonë. 

Dhe për shkak të kësaj, ka dëshirë që ai të shitet, megjithëse ka bërë të qartë se ka qëllim të qëndrojë në Kataloni sezonin e ardhshëm.