lajmi.net

Barcelona ‘largon’ Alvesin

Barcelona ka vendosur të mos ia vazhdojë kontratën mbrojtësit Dani Alves, i cili tani do të largohet nga klubi si futbollist i lirë në fund të këtij sezoni.

Sport

24/01/2015 10:51

Dani Alves është në kërkim të një skuadre të re pasi Barcelona nuk mendon t’ia vazhdojë kontratën, që do të skadojë në fund të këtij sezoni, ka bërë të ditur portali spanjoll “Fichajes”.

Alves, një prej futbollistëve kryesorë të Barcelonës në vitet e fundit, ngadalë duhet të mendojë për një destinacion të ri, mirëpo nuk do ta ketë të lehtë të sigurojë pagë të njëjtë sikurse në Camp Nou.

Ai së fundmi është përmendur si objektiv i Chelseas dhe Liverpoolit në Premierligë.

Por, në të kaluarën i ka interesuar edhe Juventusit e Interit në Serie A. 

Barcelona ‘largon’ Alvesin

Në mënyrë të papritur, Barcelona ka larguar Dani Alvesin nga lista e futbollistëve të ftuar për ndeshjen kundër Athletic Bilbaos. Klubi e ka arsyetuar vendimin si “motiv teknik”.

Sport

13/09/2014 12:09

Dani Alves në momentet e fundit është larguar nga lista e futbollistëve të ftuar të Barcelonës për ndeshjen kundër Athletic Bilbaos, sot në Camp Nou.

Në ora 9:30 të mëngjesit, trajneri Luis Enrique ka finalizuar emrat e futbollistëve për ballafaqimin me skuadrën baske dhe Alves nuk është në mesin e tyre.

“Për arsye teknike”, në vend të Alvesit, në opsion do të jenë Rafinha, Bartra dhe Douglas.

Alves ka hyrë në vitin e fundit të kontratës me Barcelonën dhe pritet të largohet nga klubi në fund të këtij sezoni. 

Barcelona largon Alvesin

Trajneri i Barcelonës, Luis Enrique ka njoftuar mbrojtësin e djathtë Dani Alves që të kërkojë skuadër të re gjatë këtij afati kalimtar të verës.

Sport

01/08/2014 10:51

Karriera e Dani Alvesit në Barcelonë ka mbërritur në fund. Nuk ka alternativë tjetër.

Trajneri i ri Luis Enrique është i vendosur që të largojë mbrojtësin brazilian nga Camp Nou, gjatë këtij afati kalimtar të verës, ka njoftuar e përditshmja sportive katalane “Sport”.

Alves raportohet se ka biseduar me Enriquen i cili e ka këshilluar që të fillojë kërkimin e një skuadre të re, duke sinjalizuar përfundimin e aventurës së suksesshme të tij në Barcelonë, të cilën e nisi në vitin 2008 pas transferimit nga Sevilla.

Enrique është i qartë, Alves nuk zë vend në planet e tij për skuadrën e Barcelonës dhe duket të largohet nga Camp Nou në javët e ardhshme.

Reprezentuesi brazilian së fundmi ka zgjuar interesim nga Premierliga.