Spanjolli është në sezonin e 10-të te Chelsea duke iu ndihmuar të fitojnë dy herë Premierligën, Ligën e Kampionëve, FA Cup dhe dy herë Ligën e Evropës, transmeton lajmi.net.

Kontrata momentale e Azpilicueta skadon në fundin e sezonit dhe fituesi i Ligës së Kampionëve ende nuk kanë arritur marrëveshje me 32-vjeçarin.

Chelsea shpreson ta bind mbrojtësin të qëndrojë në “Stamford Bridge”, ngase vazhdon të shkëlqej nën urdhrat e Thomas Tuchel.

Por, sipas ESPN, Barcelona është duke vëzhguar gjithashtu situatën dhe do jenë gati të bëjnë ndonjë lëvizje në rast që spanjolli bëhet agjent i lirë.

Raporti shton se Xavi është më i interesuari në këtë marrëveshje, ngase i njeh mirë aftësitë mbrojtëse të futbollistit.

Pos tij, Barcelona është duke konsideruar edhe transferimin e mbrojtësit të krahut të majtë, Marcos Alonso./Lajmi.net/