Real Madridi ishte ekipi më aktiv i kësaj vere. Edhe pse u shpall kampion i Evropës, gjiganti spanjoll e përforcoi ekipin me lojtarë të kalibrit të James Rodriguez e Toni Kroos, ndërsa e pasuroi portën me Keylor Navas.

Mirëpo, ky fakt nuk e frikëson Dani Alvesin, i cili insiston se Barcelona nuk i frikësohet gjigantit madrilen.

“Real Madridi e ka respektin tonë, por nuk është ekip të cilit i frikësohem. Ne duhet të garojmë me ta”, deklaroi 31 vjeçari, para ndeshjes në shtëpi të cilën do ta zhvillojë gjiganti katalunas të dielën ndaj Elches.