Pavarësisht se punët për ndërrimin e gypit të ujit në këtë lagje përfunduan në tetor të vitit të kaluar, riparimi i rrugës, që me kontratë i takon punëkryesit, nuk u krye, shkruan Zeri.info

Banorët e kësaj pjese të Prishtinës kërkojnë që rruga të kthehet urgjentisht në gjendje të mëparshme, duke e riasfaltuar të tërën. Por, kanë edhe një kërkesë, zhvendosjen e një gypi tjetër, që kalon nëpër prona private. Zyrtarët e Ujësjellësit, kishin pranuar ditë më parë se kompania ka për obligim riparimin e rrugës vetëm gjatë brezit, në të cilin është punuar.

Nëse nuk gjendet një zgjidhje nga Komuna e Prishtinës dhe Ujësjellësit, banorët do të vazhdojnë të mbajnë të bllokuar të gjitha rrugët e lagjes në ditët në vazhdim.